សាររំលែកទុក្ខរបស់ឯកឧត្តមឯកអគ្គរាជទូត ក្នុងឧបទ្ទវហេតុបាក់អាគារនៅទីក្រុងព្រះសីហនុ

រូបខ្ញុំ និងមន្ត្រីទាំងអស់ នៃស្ថានទូតកម្ពុជា ប្រចាំស ប ប ឡាវ មានសេចក្តីរន្ធត់តក់ស្លុត និងអារម្មណ៍សោកស្តាយជាពន់ពេក ក្រោយពីទទួលបានព័ត៌មានស្តីពីការបាត់បង់ជីវិត និងរងរបួសរបស់កម្មករ និងកម្មការនី ជាច្រើននាក់ ក្នុងឧបទ្ទវហេតុបាក់អាគារនៅទីក្រុងព្រះសីហនុ កាលពីថ្ងៃទី២២ ខែមិថុនា ២០១៩ កន្លងទៅថ្មីៗនេះ ។

យើងខ្ញុំទាំងអស់គ្នាសូមចូលរួមសំដែងនូវសមានទុក្ខយ៉ាងក្រៀមក្រំ និងចូលរួមរំលែកទុក្ខជាមួយគ្រួសារជនរងគ្រោះ និងសូមបួងសួងឲ្យវិញ្ញាណក្ខន្ធរបស់ជនរងគ្រោះបានទៅសោយសុខក្នុងឋានសុគតិភព ព្រមទាំងជូនពរដល់បងប្អូនជនរងគ្រោះទាំងអស់ ដែលកំពុងសម្រាកព្យាបាលរបួស ឆាប់បានជាសះស្បើយ ឡើងវិញ។

ធ្វើនៅ វៀងចន្ទ័ ថ្ងៃទី ២៣ ខែមិថុនា ឆ្នាំ ២០១៩
ចេង ម៉ានិត

Leave a Reply

Your email address will not be published. Required fields are marked *